10 පෙබරවාරි 2016 අවසාන වරට යාවත්කාලීන කළේ 19:23 GMT
ශ්‍රී ලංකාව නියෝජනය කරමින් දකුණු ආසියානු ක්‍රීඩා උළෙලට සහභාගී වන මැතිව් අබේසිංහ පිහිනුම් ඉසව්වෙන් රන් පදක්කම් 07 ක් දිනා ගැනීමට සමත් වී ඇත.
ඒ අනුව 1991 වසරේදී ජූලියන් බෝලින් විසින් පිහිටුවා තිබූ වාර්තාව බිඳ හෙලමින් සාක් ක්‍රීඩා උළෙලේ වැඩිම රන් පදක්කම් හිමි කර ගත් ක්‍රීඩකයා බවට පත් වීමට සමත් මැතිව් අබේසිංහ විය.
ශ්‍රී ලංකා කාන්තා සහ පිරිමි සහාය දිවීමේ කණ්ඩායම් මීටර 100 සහාය දිවීමේ ඉසව් සඳහා රන් පදක්කම් දිනා ගැනීමට සමත් වූහ.
රිටි පැනීමේ ඉසව්වෙන් තවත් රන් පදක්කමකට හිමිකම් කීමට මළල ක්‍රීඩක ඉෂාර සඳරුවන් සමත් විය.
පිහිනුම් ක්‍රීඩිකා කිමිකෝ රහීම් ශ්‍රී ලංකාව වෙනුවෙන් තවත් රන් පදක්කමක් දිනා ගත්තේ නව දකුණු ආසියානු වාර්තාවක් බිහි කරමින්.
කිමිකෝ රහීම් විසින් හිමි කර ගනු ලැබූ මුළු රන් පදක්කම් සංඛ්‍යාව 05ක්.
පදක්කම් 133
දකුණු ආසියානු ක්‍රීඩා උළෙලට සහභාගී වන ශ්‍රී ලංකික ක්‍රීඩකයන් මේ දක්වා දිනා ගෙන ඇති රන් පදක්කම් සංඛ්‍යාව 17 ක්.
මේ වන විට ශ්‍රී ලංකාව පදක්කම් සටහනේ දෙවන ස්ථානයේ පසු වන අතර රන් පදක්කම් 117 ක් ලබා ගනිමින් පළමු ස්ථානයේ පසු වන්නේ ඉන්දියාවයි.
රිදී පදක්කම් 46 ක් හා ලෝකඩ පදක්කම් 63 ක් දිනා ගැනීමට සමත් වී ඇති ශ්‍රී ලංකාව ලබා ගත් මුළු පදක්කම් සංඛ්‍යාව 133ක්.
බදාදා වන විට පදක්කම් සටහනේ තෙවන ස්ථානයේ පසු වූයේ පාකිස්ථානයයි.
0 comments:
Post a Comment